Transcription
1
Monseigneur, je reseus par mon lacqué avant
2
les festes de Noe[l] votre letre, vous remersiant
3
très humblement de la response quil vous pleut
4
fayre à ceulx de se lieu. Je suys marri que
5
par mon memoyre advint quelque chose mal à propos
6
à plus pourt des habitans disi je ferai comme
7
il vous a pleu commander. Le jour des Roys
8
dernyer passé, lhomme que scavés me vint
9
parler à la Grand et ma dict que le
10
gentilhome l[u]y avoit mandé prier quil tint
11
pié à sa mayson et que à leur avantage pour
12
acetheure ne pourvoint prandre les armes,
13
mès que se seroit à la premyère commoditté ; et
14
ma dict davantage, quil est venu l[u]y parler
15
ung du cousté de Genefve pour solliciter ledit
16
gentilhome à prandre les armes et que l’on l[u]y
17
baliera moyens pour le present. Il na que
18
sis souldatz à sa mayson. Je ne vous escrips
19
rien de mieus massurant que en avés toutes
20
nouvelles. Bien ma dict ung cappitayne
21
Flamynio, Corse qui venoit de Beau Cayre portant
22
bon congé de son coronel, qu’il avoit oppignion que
23
leur artilierye partiroit pour l’aler batre,
24
qu’ilz deslogeroint, la nège y en abundanse.
25
Quest tout se que vous puis escripre pour le present,
26
vous presentant mes très humbles [mot manquant]. Priant Dieu,
27
monseigneur, vous donner en bonne santé, longue et
28
heureuse vye. De votre humble mayson d’Orpiarre,
29
ce 8e janvyer.
30
Votre très humble et affectionné
31
à vous fayre servisse
32
Ville Franche